Саламатсызбы урматтуу кесиптеш!

Саламатсызбы урматтуу кесиптеш!

admin No Comments

 

Мына, туптуура 3 жыл мурда, жаз мезгилинин келиши менен жарыша чыккан, мугалимдин жан шериги, кеӊешчиси, жардамчысы жана жан досу болгон «Мугалим» журналынын интернет порталына кош келиӊиз! Аталган убакыт аралыгында улуттун даанышмандарын жалпыга таанытуу журналыбыздын салтына айланып, улам жаӊы сандары элибиздин сыймыктуу устаттары болгон Эл мугалимдери менен башталып, алардын өрнөктүү өмүр жолунан берилген баяндар басылмабыздын мазмунун арттырып келди. Журналыбыздын түпкү максаты да дал ушул түйшүктүү кесиптин ээси болгон МУГАЛИМ деген улуу атты ар качан даӊазалоо, анын түмөн түйшүгүн бөлүшүү болуп саналат. Өлкө президенти белгилеген быйылкы  «Ыйман, адеп жана маданият» жылында да мугалим кесиптештерибиз менен жасай турчу иштерибиз арбын.

Мугалим — дүйнөдөгү эң билимдүү, жогорку маданияттуу, адамзаттын жан дүйнөсүнө өзүнүн жүрөгүндө алоолоп жанган отту бүркүп, миңдеген жаштардын демине жалын чачкан өзгөчө феномен. Ал ошонусу менен улуу.

Окуучуга жан дүйнөсүн, тунук, таза сезимин арнап, билимин берген агай-эжекелер! Күзгү сымал силерге баары каранып, силерден үлгү, таалим-тарбия алышат. Ата-энеге кандай гана жылуу сөз арнап, ак сүтүн, мээнетин актоого канча аракет кылсак да колубуздан келбегендей, мугалимдин түйшүктүү эмгегин актоо да оңойго турбас. Ошентсе да, сиздер менен сүйүктүү журналыӊыздар кубансаӊар кубанычыӊарды, чыгармачылык менен түйшөлсөӊөр асыл ойлоруӊарды теӊ бөлүшүүгө, кыйчалыш кырдаалга туш болсоӊор барар багытыӊарды аныктоодо жардамчы болуп, өйдө болсоӊор өбөк, ылдый болсоӊор жөлөк болууга дайым даяр!

Урматым менен,

«Мугалим» илимий-педагогикалык журналынын башкы редактору

Рахат Сулайманова

 

Соӊку кабарлар

Рубрика

Архив

«Мугалим» журналы боюнча толук маалымат